Bimbingan Khotbah 24 Juli 2016

24 JULI 2016

MINGGU IX Kenca Trinitatis/Minggu Tri TugasGereja

Invocatio : “Ngena ateku man kalak si tutus; ku bere ia tading i bas rumahku. Kalak si geluhna la erpandangen ku bere ia ngelai aku” (Masmur 101:6)

Ogen : Perbahanen Rasul-Rasul 1: 6-11 (Responsoria)

Khotbah : Lukas 4 : 38-41 (Tunggal)

Tema : “Gereja Sindahiken DahinNa”

Ogen: Perb. Rasul

1:6 Asum rasul-rasul pulung ka ras Jesus, isungkunna Jesus nina, "O Tuhan, genduari kin atendu manteki kerajan Israel mulihi?"

1:7 Erjabap Jesus man rasul-rasul nina, "Kerna si e BapangKu metehsa; la perlu ietehndu ntah ndigan jadi.

1:8 Tapi ialokenndu pagi gegeh asum Kesah Si Badia seh man bandu. Janah kam me pagi naksiken kerna Aku man kalak si deban, i Jerusalem, i daerah Judea ras Samaria seh ku belang-belang doni enda."

1:9 Kenca ikatakenNa si e iangkat Ia ku Surga i lebe-lebe rasul e nari, jenari lit embun ngeligeni Ia erbahanca lanai Ia idah rasul-rasul e.

1:10 Asum rasul-rasul e natap denga ku langit, kempak Jesus si enggo lawes e, rempet tedis dua kalak dilaki i deherna, uisna mbentar.

1:11 Nina man rasul-rasul e, "O kalak Galilea, ngkai maka kam tedis natap ku langit? Bagi enggo idahndu Jesus iangkat ku Surga, bage ka Ia pagin reh mulihken."

Khotbah: Lukas

4:38 Kenca ndarat i bas rumah pertoton nari, berkat Jesus ku rumah Simon. Mami Simon sakit mekelek; perbahan e ipindoken kade-kadena man Jesus gelah ipepalemNa min ia.

4:39 E maka idahi Jesus mami Simon, tedis la deherken ingan medemna, jenari ipelawesNa penakit e, janah penakit e pe nadingken mami Simon. Minter keke mami Simon, kuskas ia nikapken pangan dingen ngelai Jesus ras kalak ndai kerina.

4:40 Kenca matawari enggo sundut, kerina kalak maba kade-kadena si erbage-bage penakitna man Jesus. Ipepalem Jesus kerina alu namaken tanNa ku babo kalak si penakiten e sekalak-sekalak.

I. Perlebe

            “......Gereja bukanlah gedungnya, dan bukan juga menaranya. Bukalah pintunya lihat di dalamnya, GEREJA ADALAH ORANGnya”

            Kutipen lagu sekolah minggu enda tentuna mengandung makna si mbages kerna erti ras makna gereja situhuna. Erti gereja banci sinehen i bas:

Matius 16:18

LAI KARO,

“Janah Kukataken pe man bandu: Kam kap Petrus, batu si enteguh, janah i babo batu palas enda me Kupajekken perpulungenKu, si la tertaluken aminna pe alu kinirajan kematen.”

LAI TB,

“Dan Aku pun berkata kepadamu: Engkau adalah Petrus dan di atas batu karang ini Aku akan mendirikan jemaat-Ku (EKKLÊSIA) dan alam maut tidak akan menguasainya.”

King James Version,

“And I say also unto thee, That thou art Peter, and upon this rock I will build my church (EKKLÊSIA); and the gates of hell shall not prevail against it.”

Bahasa Yunani,

“καγω δε σοι λεγω οτι συ ει πετρος και επι ταυτη τη πετρα οικοδομησω μου την
εκκλησιαν και πυλαι αδου ου κατισχυσουσιν αυτης”

Translit interlinear, kagô {dari pihakKu} de {dan} soi {kepadamu} legô {Aku berkata} hoti su {engkau} ei {adalah} petros {Petrus} kai {dan} epi {diatas} tautê {ini} tê petra {batu (besar)} oikodomêsô {Aku akan mendirikan} mou {Ku} tên ekklêsian {jemaat} kai {dan} pulai {pintu-pintu gerbang} hadou {dunia orang mati} ou {tidak} katiskhusousin {akan sanggup menguasai} autês {nya}

Kata "Jemaat" i bas terjemahen bahasa Indonesia eme serapen i bas bahasa arab nari. Kata si sepadan ras si e i bas  Kamus Besar Bahasa Indonesia eme 'himpunan umat''. Kata si sinonim ras si e eme 'Gereja' si berasal arah bahasa Portugis 'igreja'.

Kata 'jemaat/ perpulungen/gereja' i bas Alkitab Padan Simbaru  bahasa asli Yunani itulis alu kata 'εκκλησια - ekklêsia', harfiah, ('εκ - ek' = keluar; dan kata 'καλεω - kaleô' = memanggil ). Erti kontekstualna i bas kegeluhen kalak Kekristenan eme 'i dilo ndarat guna jadi ajar-ajar Kristus'.

Alu bage selaku gereja si “idilo” tentuna lit me misi (dahin/tugas) si mandahinken. Tugas e tentuna reh i bas si “Ndilo” nari eme Kristus selaku empuna gereja e. Si enda me si jadi perhatin ras perenungenta minggu enda, segelah tep-tep kita gereja kembali imurniken motivasi ras panggilenta selaku pengikut Kristus i doni enda.

II. Bahan Khotbah

            Lukas 4: 38-41 eme salah sada peristiwa si nuriken uga Tuhan Jesus meneladanken dirina jadi usihen gereja guna ndahiken pendiloNa. Lit piga-piga point si banci sipelajari janah jadi usihenta selaku gereja i bas bahan khotbahta enda:

  

  1. Si ikelengi ras si ngena ate Dibata

Adi sioge bindu 3 nari maka si idah uga ope denga mbenai ndahiken pendahinNa (bnd. Thema), Tuhan Jesus (selaku Simbol Gereja) ipeberkat alu sada pengakun arah Dibata Bapa maka Ia me si ikelengi ras si ngena ateNa.

Bagepe i bas mbenai bahan khotbahta enda (ayat 38), Tuhan Jesus ope berkat ndahiken dahinNa (bnd. Thema) teridah maka nina,”kenca ndarat i bas rumah pertoton nari....”. Si enda mbuktiken maka Tuhan Jesus mbenai kerinana alu palas sura-sura Si Ngutus Ia.

• Gereja pe ibas ndahiken dahinna (bnd. Thema) arus maka berangkat arah kesadaren sie. Memastiken diri maka motivasi ras tujunna labo erkiteken kepentingen pribadi, tapi representatip Dibata. Perjuangenna eme bagi si ngena ate Dibata labo si ngena ate manusia. 

2. Pelayanan yang Menyentuh (Touching) dan Solutional

 Pelayanen Tuhan Jesus siniajarkenna man gerejaNa eme pelayanen simenyentuh langsung ku jemaat bagepe simereken solusi kongkrit.

Sanga si e pinakit mami Simon (Ayat 39) ikataken i bas terjemahen Indonesia eme demam (ing. Fever). Masa si e pinakit demam (Yun. πυρετῷ = pyreto) labo pinakit biasa. La sitik jelma mate erkiteken pinakit enda. Tentunna banci si bayangken kebiaren si reh ku tengah jabu Simon erkiteken pinakit enda. Seh ku tahun 1960 saja pinakit enda jadi kebiaren belang-belang doni. Lit lebih 110 negara siterkena wabah enda i bas tahun 60-an, janah i bas tahun e saja kalak si terkena pinakit enda mencapai lebih 100 juta kalak.

Tentuna enggo banci si gambarken uga keriahen si luar biasa i bas mami Simon ngaloken mukjijat Tuhan Jesus si enggo mpelawes (Yun. ἐπετίμησεν {epetimēsen} = Ing. He Rebuked/Ordered = Ind. Menghardik) pinakitna.

• Pelayanen gereja genduari memang labo harus seri bagi si ilakoken Tuhan sebab kita labo Tuhan. Nengking-nengking pinakit (bagi si ilakoken gereja-gereja si deban). Si terpenting uga gereja alu gegeh persadanna (Koinonia, Marturia ras Diakonia) ngasup mprogramken dahin-dahin si menjawab ku kebutuhen jemaat.

3. Regenerasi (Pemuridan)

Karo (ayat 39^b)     :  

“Minter keke mami Simon, kuskas ia nikapken pangan dingen ngelai Jesus ras kalak ndai kerina.”

LAI TB               : “Perempuan itu segera bangun dan melayani mereka.”

KJV                    : “...and it left her: and immediately she arose and ministered unto them”

Kata minter, segera, immediately, i bas bahasa aslina pe menekanken kata enda alu kata παραχρῆμα (parachrēma). Tuhan Jesus i bas pelayanenna berhasil meng”gereja”ken objek pelayanenNa (mami Simon) alu minter nuduhken aksi pelayanenna man Tuhan.

• Penting pe si enda jadi model pelayanen gerejanta, si la terjeng memenuhi kebutuhen jemaat, tapi menjadiken jemaat si missioner.

4. Pelayanen si Berkembang

Siidah kenca pelayanen Tuhan Jesus nangdangi mami Simon, berita pelayanenNa seh ku kalak si nterem janah la sitik kalak ndahi Tuhan kenca si e.

• Adi pelayanen gereja tepat sasaren tentuna secara sendirina pertumbuhen jemaat e teridah secara kualitas bagepe kuantitas

III. Ogen

Adi sipahami percakapen antara ajar-ajar ras Tuhan Jesus ope Ia nangkih ku surga, tentu lit perbedan si mendasar antara pengarapen ajar-ajar ras misi Tuhan Yesus reh ku doni enda. Pengarapen ajar-ajar itunggangi pengajaren si salah selama enda si ialokenna arah pemuka agama. Pemuka agama meng-interpretasi-ken Mesias e reh guna mbaba perubahen ras pemulihen Kerajaan Israel secara politis. Tapi tangkas si eteh maka kerehen Tuhan Jesus selaku Mesias lebih dari sekedar pentingen sekelompok bangsa (Israel). Ia reh guna kebebasen (Shalom) man kerina aspek kegeluhen manusia.

• La sitik gereja pe gundari salah kaprah i bas menatalayanken dahinna. Buen gereja gundari bergerak ntahpe ngelakoken progam si sifatna mpekena-kena hal-hal si la menyentuh Spiritualitas. Tentuna si enda labo salah. Tapi penting guna silurusken man jemaatta kerna tujun utama kehadiren Gereja i doni enda eme guna ndahiken dahin Tuhan (bnd. Thema) mbabai kesiapen spiritualitas jemaat  ngalo-ngalo kerehen Tuhan sipeduakaiken (baca: ogen ayat 11)

III. Invocatio
Gereja i bas ndahiken dahin Tuhan harus harus:
1. Tutus
Genduari la sitik erkiteken kesibuken gereja enggo mekarus i bas ndahiken dahinna. Pengkhotbah enggo mengulang-ulang khotbah. Enggo kurang mbekali diri janah terkesan la erpersiapen. Kinitutusen jadi syarat utama adi ateta pelayanenta menyentuh ku jemaat, sebab e si ngena ate Dibata.

2. Nggeluh La Erpandangen
Lit denga nge kita i bas erkhotbah ninta, "Ula nehen kegeluhenku ras kai si kulakoken tapi kata Dibata si kupeseh e lah begiken!"

Pernyataan enda tentu lanai relevan bas jaman gundari enda. "Khotbahku adalah hidupku", enda si penting jadi mottota bas nehken pelayanenta. Tentuna si inget kai si jadi pengalamen Paulus waktu nina:

II Korinti 3:3
"Enggo terang maka kam kap surat Kristus si isuratkenNa arah pendahin kami. Surat e la itulis alu tinta, tapi alu Kesah Dibata si nggeluh; la itulis i bas papan batu, tapi i bas pusuh manusia."

Lagu langkahta ibarat surat si banci i oge kalak. Tegas kataken Tuhan maka si ngasup njaga lagu langkahna la erpandangen ngenca i bereken Tuhan guna ngelai Ia