Tanggal 31 Juli 2016
(Minggu X Kenc Trinitatis/Minggu Perawaten Inventaris Gereja)
Invocatio: "Madin sada wari i bas RumahNdu asangken seribu wari i bas ingan si deban. Madin tedis i bas gerbang Rumah Dibatangku asangken ringan i bas ingan si deban (Masmur 84:11)Ogen: Nehemia 7:70-73 (Tunggal)
Khotbah: Johanes 2:13-17 (Tunggal)
Tema: "Ergaken Ras Pebadiaken Rumah Pertoton"
Ogen:
Nehemia
70-72
Nterem i bas bangsa e si mereken penampatna guna nggalari ongkos pekena Rumah
Pertoton e, e me: Gubernur: -- 8 kilo emas 50 mangkuk 530 jubah imam;
Kepala-kepala terpuk: -- 168 kilo emas 1.250 kilo pirak; I bas bangsa e nari:
-- 168 kilo emas 140 kilo pir 67 jubah imam;
7:73 Imam-imam, kalak Lewi, pengawal Rumah Pertoton, pemain musik, nterem rayat biasa ras si erdahin i bas Rumah Pertoton e, kerina kalak Israel -- ringan i bas kuta-kuta ras kuta-kuta Juda.
7:73 Imam-imam, kalak Lewi, pengawal Rumah Pertoton, pemain musik, nterem rayat biasa ras si erdahin i bas Rumah Pertoton e, kerina kalak Israel -- ringan i bas kuta-kuta ras kuta-kuta Juda.
Khotbah:
Johanes
2:13
Kenca Wari Raya Paskah kalak Jahudi enggo ndeher, lawes Jesus ku Jerusalem.
2:14
I bas Rumah Pertoton idapetiNa kalak erbinaga lembu, biri-biri ras nderapati.
Lit pe i je kalak kundul si dahinna nukari duit.
2:15
Jesus erbahan cambuk si idandan i bas nali nari. Alu e iligasiNa gelah ndarat
asuh-asuhen e kerina i bas Rumah Peroton nari: subuk lembu, biri-biri.
ItunggalingkenNa meja-meja kalak si nukari duit, seh maka merap duitna e
kerina.
2:16
Man kalak si erbinaga nderapati nina Jesus, "Angkat ndarat
barang-barangndu e! Ola bahan rumah BapangKu jadi ingan erbinaga!"
2:17
Perbahan si e inget ajar-ajar maka lit tersurat i bas Pustaka Si Badia, "O
Dibata, keleng-ateKu nandangi rumahNdu, ngutkut desken api."
I. Perlebe
Sue
ras tradisi, perayan Paskah kalak Yahudi ilakoken tep-tep tahun i Rumah
Pertoton i Jerusalem (Ul. 16:16). Makna perayan e eme guna mperingeti tupung
ndarat bangsa Israel i taneh Mesir nari (Kel. 12:1-13). Paksa si e tep-tep
kalak Jahudi Diaspora (merap) arah kerina penjuru doni reh pulung i Rumah
Pertoton e. Erkiteken perdalanen ndauh maka labo sempat/ngasup ia kerina mbaba
persembahen (hewan korban) guna ipersembahken ku Tuhan. Emaka itukurna
persembahen e (rubia-rubia) si enggo i litken i Rumah Pertoton. Selain e, kerina
ia pe harus nggalar pajak man Rumah Pertoton, alu bage itukarkenna ka senna
guna penggalar pajak e. Guna mperlancar/mpesukah kerinana e Pemimpin-Pemimpin
agama Jahudi mereken ijin man siatena erbinaga rubia-rubia kurban bagepe jasa
penukari sen. I bas si e kerina sierbinaga erkerjasama ras Pemimpin Rumah
Pertoton (Imam, Ahli Taurat & Kalak Farisi) guna ndatken keuntungen i bas
proses e. Seh maka kerina alat persembahen (rubia-rubia) ergana erlipat-lipat.
Si e me erbahanca maka Tuhan Jesus merawa janah nina: "Angkat ndarat
barang-barangndu e! Ola bahan rumah BapangKu jadi ingan erbinaga!"
II.
Bahan Khotbah
Rumah Pertoton harus ipergunaken sue ras
fungsina eme guna ersekutu/nembah Tuhan
(Yoh. 2:14-15; Mat.21:13; Mrk. 11:17)
Ayat 14-16
Adi
Tuhan Yesus ngelakoken sada tindaken pasti lit alasenna si logis ras masuk
akal. Alasen Tuhan Yesus merawa eme dalam rangka mpebadiaken Rumah Petoton
e, erkiteken Rumah Pertoton e sangana melket secara fisik bagepe rohani.
Rumah Dibata seharusna i jaga bersih, nyaman ras mereken ketenengen man si
ndahisa. Rumah Pertoton labo ingan erbisnis ras ingan ndarami keuntungen materi
ngenca. Secara Rohani, Romah Pertoton arusna fungsina jadi ingan ersembah,
ingan jemaat nggejapken perjumpanna ras Tuhan, tapi genduari enggo lanai banci
igejapken nuansa rohanina. Emaka reh nina Yesus:
(Yoh. 2:16)
"Angkat
ndarat barang-barangndu e! Ola bahan rumah BapangKu jadi ingan erbinaga!"
(Mat. 21:13; bdk. Mrk. 11:17)
"Lit
kap tersurat i bas Pustaka Si Badia maka nina Dibata, 'RumahKu igelari me pagi
Rumah Pertoton.' Tapi ijadikenndu Rumah e jadi asar penamun."
I je (Yoh. 2:14-16) si idah maka Yesus engklaim Rumah Pertoton e eme rumah Bapa-Na. Jadi alasen Ia mpebadiaken Rumah Pertoton e eme erkiteken rumah e eme rumah Bapa-Na, labo rumah milik sembarangen jelma si banci ate-ate kalak ntahpe isalah gunaken.
Kenca si tandai ras sialoken Yesus bas geluhta, kita pe enggo jadi anak-anak Dibata. Alu bage kita pe kerina ertanggung jawab guna njagai bagepe mpekena-kena Rumah Pertoton Dibata.
Yesus
labo mpersoalken kerna "jual-beli" ntahpe kerna kegiaten penukaren
sen, tapi si jadi point rawa Yesus eme erkiteken kerina kegiaten e ilakoken i
lingkup Rumah Pertoton. Jadi persoalanna eme erkiteken ingan kebaktin enggo
alih fungsi jadi ingan transaksi bisnis.
Enda
me kinata kegeluhen gereja genduari. Lit kalak pulung mengatasnamaken ibadah
man Tuhan tapi situhuna tujunna, motivasina labo man Tuhan. kerehenna ku
gereja, kinijingkatenna i bas dahin gereja labo erkiteken kesadarenna guna
Tuhan tapi itunggangi kepentingen - kepentingen pribadi. Emaka la kita heran,
kenca reh musim PILEG, luar biasa kegiaten-kegiaten blusuken ku gereja. si
bagenda ngerehken pernembeh ate Dibata sebab kalak si bage bali ras kalak
pekulah-kulah.
Kinirawan Yesus i Rumah Pertoton ngingetken ajar-ajar kerna pengajaren i bas Pustaka nangdangi Rumah Pertoton eme:
Masmur 69:10
Masmur enda megati ipandang selaku Masmur tentang Mesias erkiteken bagin Mamur enda risiken kerna Daud si mindo penampat, bali bagi kiniseran Mesias/ Kristus. Kerina kalak sirate nembeh man Daud bali ras kalak siernembeh ate nangdangi Kristus, bagi sikataken Daud i bas ayat 5:
69:5 Kalak si ernembeh ate man bangku la ersebap, teremen asang buk i bas takalku. Kalak si atena encedaken aku megegeh kap, iserangna aku alu curang. Ipaksana aku ngulihken erta si la kurampas.
Keleng ate Daud bas ayat 10
"Keleng ateku man RumahNdu gurlah bagi api i bas pusuhku, kalak si deban megombang baNdu, tapi aku nge si rate mesui."
ikaitkan ajar-ajar ras Kristus guna njelasken upaya Kristus e mpebadiaken Rumah Pertoton (bandingken Johanes 2:17). I bas Mazmur 69:22 Daud ngataken
"Tupung aku melihe, ibereken kalak bangku racun, tupung aku muas ibereken bangku cuka."
Enda ihubungken ras cuka (anggur asam) si ibereken man Kristus i kayu salib (bandingken Matius 28:48, Markus 15:36, Lukas 23:36).
Ertina kerina si ibahan Yesus paksa sie murni erkiteken keleng ateNa nangdangi Rumah Pertoton, janah guna si e lit resiko ras pengorbanen. Sebab erkiteken tindaken Yesus e kedungenna ngerehken pernembeh Peminpin-peminpin Agama tupung si e, seh maka ersura-sura ia kerina munuh Yesus (baca: ayat 18)
Kinirawan Yesus i Rumah Pertoton ngingetken ajar-ajar kerna pengajaren i bas Pustaka nangdangi Rumah Pertoton eme:
Masmur 69:10
Masmur enda megati ipandang selaku Masmur tentang Mesias erkiteken bagin Mamur enda risiken kerna Daud si mindo penampat, bali bagi kiniseran Mesias/ Kristus. Kerina kalak sirate nembeh man Daud bali ras kalak siernembeh ate nangdangi Kristus, bagi sikataken Daud i bas ayat 5:
69:5 Kalak si ernembeh ate man bangku la ersebap, teremen asang buk i bas takalku. Kalak si atena encedaken aku megegeh kap, iserangna aku alu curang. Ipaksana aku ngulihken erta si la kurampas.
Keleng ate Daud bas ayat 10
"Keleng ateku man RumahNdu gurlah bagi api i bas pusuhku, kalak si deban megombang baNdu, tapi aku nge si rate mesui."
ikaitkan ajar-ajar ras Kristus guna njelasken upaya Kristus e mpebadiaken Rumah Pertoton (bandingken Johanes 2:17). I bas Mazmur 69:22 Daud ngataken
"Tupung aku melihe, ibereken kalak bangku racun, tupung aku muas ibereken bangku cuka."
Enda ihubungken ras cuka (anggur asam) si ibereken man Kristus i kayu salib (bandingken Matius 28:48, Markus 15:36, Lukas 23:36).
Ertina kerina si ibahan Yesus paksa sie murni erkiteken keleng ateNa nangdangi Rumah Pertoton, janah guna si e lit resiko ras pengorbanen. Sebab erkiteken tindaken Yesus e kedungenna ngerehken pernembeh Peminpin-peminpin Agama tupung si e, seh maka ersura-sura ia kerina munuh Yesus (baca: ayat 18)